დარჩელში, 180 ბავშვზე გათვლილი, თანამედროვე სტანდარტების შესაბამისი ახალი საბავშვო ბაღი გაიხსნა.
დარჩელის საბავშვო ბაღი მუნიციპალური განვითარების ფონდმა ააშენა. პროექტის ღირებულება 3 675 232 ლარია. დარჩელის გარდა, ახალი საბავშვო ბაღების მშენებლობა მუნიციპალური განვითარების ფონდმა ჭითაწყარში, რუხსა და შამგონაში განახორციელა.
დარჩელის ახალი საბავშვო ბაღი სამეგრელო-ზემო სვანეთის სახელმწიფო რწმუნებულმა დავით ვერავამ, ზუგდიდის მუნიციპალიტეტის მერის მოვალეობის შემსრულებელმა ბესიკ ჭეჟიამ, საქართველოს პარლამენტის წევრმა გიორგი გუგუჩიამ და სკოლამდელ სააღმზრდელო დაწესებულებათა მართვის ცენტრის ხელმძღვანელმა ხათუნა თოლორაიამ გახსნეს.
ახალი საბავშვო ბაღი ტექნიკითა და ავეჯით არასამთავრობო ორგანიზაცია ,,საერთაშორისო მართლმადიდებლური ქრისტიანული მოწყალება“(IOCC)-მა აღჭურვა.
2012 წლიდან დღემდე აშენდა 14 საბავშვო ბაღი, სხვადასხვა სახის სარეაბილიტაციო სამუშაოები ჩაუტარდა 27 ბაღს.
ზაფხულის აქტივობები სსდმ ცენტრს დაქვემდებარებულ საბავშვო ბაღებში სხვადასხვა თემატიკის, განსაკუთრებული საზეიმო აქტივობებით აღინიშნა.
სსდმ ცენტრის დირექტორმა, ხათუნა თოლორაიამ, მეთოდისტებთან, საბავშვო ბაღების ადმინისტრაციასთან, აღმზრდელებთან და მშობლებთან ერთად, სასწავლო_სააღმზრდელო წელი შეაჯამა და ბაღების გამოსაშვები ჯგუფების აღზრდილებს გზა სკოლისაკენ, განათლების ახალი საფეხურისკენ დაულოცა.
ხათუნა თოლორაია, სსდმ ცენტრის დირექტორი: ,,განსაკუთრებული, ემოციური დღეები გავიარეთ. ჩვენი უსაყვარლესი აღზრდილები, ცხოვრების ახალ ეტაპზე სიყვარულით, საუკეთესო სურვილებით გავაცილეთ. საგზლად შესაბამისი ცოდნა, უნარები გავატანეთ. ბედნიერი მომავალს ვუსურვებთ ჩვენ მომავალ თაობას! მადლობას ვუხდი ჩვენ აღმზრდელებს და განსაკუთრებით, მშობლებს ჩართულობისათვის"!
ექთნების პროფესიულ დღეს სსდმ ცენტრს დაქვემდებარებული საბავშვო ბაღების აღსაზრდელებმა სხვადასხვა აქტივობები მოუძღვნეს!
